Tinjau pendiau serta pengidup: Rh Endawie Nanga Grenjang

Lebuh aku ke bisi kemisi ujung taun tu tadi aku bisi pulai ke menua kami di nanga grenjang kena pegai menua saratok. Rumah kami enda panjai lalu betuai ke Tr. Endawie anak Raik. Baka rumah panjai bukai ke di ulu ai mega rumah kami bedau datai karan tang bisi ai paip. Ngaga tekat (dam) kediri empu. Nya alai nadai bebayar ai. Nya ga penyamai. Bisi ga rita perintah deka meri karan sepemanjai jalai Ulu Krian lalu projek nya diperambu deka tembu sebedau 2012. Arap ke jampat tembu meh. Ukai nya enggai deh mayar karan tiap bulan enti dibanding ke meli minyak kena masang injin api. Jauh lebih murah enti bisi karan. Tak limpang-limpang utai ke ditusui tu. Ngenang rega getah di menua din ke balat endar berega. Jam aku ke bisi di rumah din suba bisi ga buya enggau sida indai nangkal tang enda ulih bejarit hari laban hari ke selalu runtuh. Bengat nadai alai nurun laban hari selalu ujan. Kejang aku din suba bala orang meli getah RM9+/kg. Ni enda idup endar bala Iban di rumah panjai enti rega getah selalu bakanya.

Lebuh kemisi nya suba aku mega bisi buya enggau orang gotong-royong nampal jalai semin ke belubang. Jalai nya suba projek diberi petintah. Terima kasih ga ngagai perintah. Tang diatu pendiau (condition) jalai nya enda tentu ngemuas ke hati bala rayat rumah panjai laban ke nyau mayuh udah belubang. Ni enda belubang, ukai nya mina kerita biasa ke nunjan jalai nya. Lori brapa tan enda kini pan nengah nya ga. Lori bala apek ke meli getah pan nengah ja

lai nya ga. Nama ibuh enda jai ga tudah jalai deh. Ukai nya jalai tar baka highway nya. Mina jalai semin ti nadai diperati (monitor) bala sida engineer. Peneka hati nampik ke semin.

Meda bakanya, dia tuai rumah mai bala nembiak ke kena pegai iya berunding de

ka 'ngeripay' jalai nya ngambi ke manah agi lalu nyamai agi ditengah. Nya alai bala pan nadai ga mayuh jaku laban endan nemu nya buah runding ti manah. Nya alai kena lemai hari enam 14 ‎November ‎2010, pemulai bala ke nangkal getah, pengawa gotong royong pan la

lu dikereja. Nya ga penyamai diau di rumah panjai ke besambung perabung besambung temetung. Pengawa endang selalu dikereja enggau cara begulai mayuh. Pengawa berat pan nyadi lempung laban dipesaup ke bala mayuh. Nya alai, enda lama ga pengawa nya tembu laban hari nyau deka ujan lalu sayau ga ke semin enti kena tinggang ujan bedau rangkai. Mina muai semin ngapa. Jalai ke bedau kena 'ripay' nya diperambu deka 'diripay' ba hari bukai dudi hari ila. Di baruh tu sekeda ari gambar ke bisi diambi maya pengawa gotong-royong nampal lubang ba jalai semin niki ngagai Rh. Endawie di Ng. Grenjang kena 14 Novenber 2010 tu tadi.

Indai Munggau ngauk semin. Lelaki ke ngena baju adidas nya Tr. Endawie

Orang ke ngara ke semin nya Boy, baju burak cekak punggung nya Apai Na, ke mai kereta sorong nya George lalu ke megai sekup nya apai aku. Akih ke enda bebaju ngena tanchut celum nya Budu hero Ng Grenjang

Tuai rumah merati ke bala nembiak redak gawa. Mangah orang tuai tu. Enti salah lalu ditengkuk ya tunsang. hahaha

sekeda ari bala mandur...mian komplen ja sida tu nemu...hahaha

Taja gamal mit, tang gawa bebendar tudah...

Saga (enda bebaju) ft. Indai Munggau bebendar ngauk semin..

Jematan diempang ke kayu kena nagang orang ke bisi kerita nengah jalai ke baru udah 'diripay' laban semin agi basah

Gambar rumah dipeda ari puting jematan jalai niki ke rumah panjai. Kawasan rumah repa lalu beguna ke kerja gotong-royong nebas serta mancit rumput...

Gamal jematan lama ke mina jadi pengingat aja...di baruh tu iya nya Ai Krian lalu ulih dipeda ba ili nyin iya nya Ai Grenjang ke mati ba Ai Krian ke lalu nyadi nama rumah panjai...gamabr ari ili jematan baru...

Gambar Ai Krian mega tang gamabar diambi muak ke ari ulu jematan ke baru

Gambar Rh. Endawie dipeda ari tinting bukit ke ulih alai talipun di Ng Grenjang..bukit ba tinting kebun lada sida apai

Gambar anak raja (rainbow) ke diambi penguda teduh ujan mual ke ujung tanju...bisi dipeda ditu mega iya nya pucuk rian di tebing Ai Krian

Rampa menua tunga ke ujung tanju...menua bedau kusi lalu bisi dipeda ba gambar tu iya nya pun pantu...kira enda suntuk lauk maya bisi pengawa...asal bagas bisi aja pantu diupa

Buah Engkabang

Lama mat udah enda ninga bala Iban besebut begumpul ke buah engkabang. Enti enda salah ingat aku engkabang bebuah penudi bendar di menua kami (Saratok) dalam taun 2000 suba. Diatu nyau udah 2010. Nyangka amat meh ku jaku orang tuai ke madah ke engkabang mina bebuah 10 taun sekali. Ambi pulai baru jaku nya tadi, kala ga engakabang bebuah pengudah taun 2000 suba tang enda nyadi laban semina bebunga aja.

Agi ignat aku maya taun 2000 nya suba, aku baru primary 5. Bendar enggau sida indai ngumpul engkabang. Kadang-kadang ngena perau kadang-kadang enda meh. Maya ngena perau gaga ati laban ke bendar ka bemain perau. Ukai tentu ka ngumpul buah engkabang.

Buah engkabang ke udah digumpul lalu dipalu dikena muai pala iya dah nya lalu kupak umbang. Isi ya lalu dijembui lalu bisi mega disalai. Maya musin buah engkabang tawas ai laban nadai mayuh bala batang sebelah ai. Abis digumpul bala mensia dikena nyalai engkabang. Kebuah orang beguna amat ke kayu dalam ai laban ya tan agi diempa api (enda rua). Ukai main ga pemayuh kayu kena orang nyalai engkabang deh laban ke 24 jam enda ngetu.

Engkabang ke udah rangkai nya lalu disimpan dalam guni lalu dijual. Maya nya suba endang sigi bisi bala Apek Cina meli ngagai rumah panjai Iban enda ibuh mai ke pasar. Temu tak anti ja bala sida datai ngagai rumah.

Bisi mega orang ngaga engkabang ke minyak ke diri empu. Pengawa ke ngaga minyak tu dikumbai orang mitan engkabang. Aku nyebut ngapa pengawa tu laban tubuh aku empu bedau kala meda orang ngereja pengawa tu. Buah engkabang nya tadi dipanduk dulu ngambi ke lembut udah nya lalu dikepit dikena ngemansut ke minyak iya. Minyak ke pansut nya tadi lalu ditimbun ngena buluh lalu diteju ke chelap sereta meku dalam buluh nya. Udah iya meku nya baru iya ulih guna kena betanak ke lauk. Mayuh ga orang belauk ke pitan engkabang. Kadang-kadang iya diendal ke orang ba asi ke agi angat. Nyau kuning gamal asi laban minyak nya baru orang makai iya. Asi ke diendal ngena pitan tu nyamai diempa lalu asai iya bisi belemak.

Diatu benung ngumpul engkabang meh bala kami di menua din. Taja pan rega iya jauh murah enti dibanding ke enggau rega getah tang bala Iban tetap ngumpul iya. Ari ke diteju nyaya ngapa di tanah manah ga jual aja kala orang ka ga meli. Minggu nyin tadi bisi sida indai telefon ngagai aku lalu madah ke rega engkabang sekilo RM1.70. Diatu enda nemu rega iya ti pemadu baru meh. Nemu ke nya niki ke nurun. Naka nya aja kenang aku ba senentang buah engkabang tu.

Iban Warriors Under Rajah's Rule

Iban is a tribe in the Borneo Island and among the most abundance tribes in Sarawak. Iban also known as Sea Dayak as termed by the Brooke. Iban was known for their unique cultures and one of the most terrifying is headhunting. That's why Iban also termed as headhunter for their culture. James Brooke in January 1842 wrote about an Iban leader from Skrang named Matahari when he asked the permission from James Brooke for headhunting. "His shrewdness and cunning were remarkably displayed. He began by inquiring, if a tribe, either Skrang or Saribas, pirated on my territory, what I intended to do. My answer was "To enter their country and lay it waste." But he asked me again, "You will give me, your friend, leave to steal a few heads occasionall?" "No", I replied, "You cannot take a single head; you cannot enter the country; and if you or your countrymen do, I will have a hundred of Skrang heads for every one you take here." He recurred to this request several times; 'just to steal one or two!' as a schoolboy would ask for apples. There is no doubt that the two tribes of Skrang and Saribas are greatly addicted to headhunting, and consider the possession as indispensable.'

In 1863 many Iban leaders from all over Sarawak gathered to join The Great Kayan Expedition which was lead by Charles Brooke himself. In the book Ten Years in Sarawak, Charles Brooke wrote:

"June 1st, 1863, at 3.30 pm, the assembly was collected on the hard stones. All such matters, as before related, are discussed on the earth and without any roof. About a hundred or more chiefs were present, squatting in a circle, when I joined, accompanied by Fitz Cruickshank, and we sat in centre. Then a silent ensued, and I told them that, as far as we were able, we must now arranged the proceedings and division to advance one after another, I begged that all would keep order, and not rush on or run unnecessary risks, as if they allowed their people to push past dangerous places, accidents must happen. Another point which I had always made known with great emphasis was, that the chiefs must be answerable for the behaviour of their crew, to allow no quarelling or fighting. And the lives of women and children must be spared, as they could not be enemies of men. The first man to speak after I had finished was Balang of Katibas, who was an ugly little broad man, with jowl of hog. He had sparkling eyes, and was dressed in all the colours af rainbow. The Kayans had burnt his house, and taken all his property. He spoke exceedingly well, and I wished from my heart my speech could have been so telling. He said-"I have no wish to return if the force is not successful, and am prepared to stake everything on this attack. The enemy has deprived me of all my property already, and many of my relations and people have been killed; they may now cooked my head, if I can't get theirs." He added, "The chiefs, as Tuan says, should be responsible for their people; and I recommend others to follow my example, and beat their followers if they refuse to obey orders." Orang Kaya Gassing, of Skrang, spoke a little, and then a general conversation ensued upon their feelings, dreams, birds and omens. All was of satisfactory nature - very different from the tone had been some years ago, for they are gradually lessening these outward signs of mystery and paying more attention to realities. We then dispersed. In the afternoon I pulled in a small canoe, to inspect the beginning of rapids. At eventide our people were assembled on a large pebbly bed, engaged in all kinds of games, amidst shouts of laughter."

Libau which is well known for his praise name Rentap was among the leaders from Skrang whose fought Rajah. Charles Brooke wrote about Rentap:

"Their legends and songs make mentionof it as being the Great Mount, toward which no enemy dare venture; and our arch-enenny Rentap had been located on it since the fall of Sungei Lang. He was supported by the Skrang Dayaks located in the interior, and also by the inhabitants of the interior of Saribas, who offered every aid and assistance so long as he occupied thie eyrie, which stood as nucleus and basis far removed from danger, and to which they all might, in case of need, retire to find a haven from the stranger's rule, which thwarted their headhunting propensities. He was called Rajah Ulu (inland Rajah), and was the centre of all opposition to the rule of Rajah of Sarawak.

Aji is the son of Orang Kaya Pemancha Dana of Padih. After the death of his father, Aji and his sibling Nanang fought the Rajah. Aji dead in 1858 at Nanga Sungai Langit. He was shot by a Malay from Spaoh using golden bullet. In the book Ten Years in Sarawak, Charles Brooke wrote about Aji lile this:

" His father, the Orang Kaya Bayang, who died only a few years ago, had maintained a suprising influence over both Dayak and Malay; the latter always following his counsel for the settlement of their more difficult and intricate cases. Aji's name and acts had been in my ears and dream for years past. Many a bloody deed had he perpetrated and always boasted that the white man's powder and shot would take no effect on his body"

Ngumbang whose praise name is Berauh Langit (roaring sky) was a chiefs from Batang Ai. He used to lead the battle against the people of Kedempai Padung Kumang in Batang Kantu; Leban and Empanang in Batang Kapuas; beat the Memaluh in Bukol, Lebuyan; fight the Iban Pelasok and Belai in Batang Skrang: fight against the Rajah at Tinting Pan, Bukit Seligi, Berinyih and Bekilong in Ulu Menyang, Batang Ai.In his diary Charle Broooke wrote about Ngumbang like this;

'Ngumbang whose praise-name was Berauh Langit (roaring sky), is regarded by the upriver people as the greatest warrior in their history, far greater than Bantin. He was born along the Batng Lupar's Menyang tributary, which flows down from the border range. He led innumerable war parties against Maloh Dayaks and Rajah of Sarawak. The fact that he supported the Rajah between 1886 and 1902 is not today held against him. Like a suprising number of great Iban warriors (including Penghulu Dalam Munan), Ngumbang was childless, but adopted a daughter. He died on 1914 in the same stream where he was born, and the people of the area say he is buried in a cave along the border range, guarded by a clouded leopard'

I got all these information from the book wrote by Johnny anak Chuat and Nalong anak Buda entitled Iban Pegai Rajah Brooke .

Sempama Iban

Bansa Iban endang sigi tebilang engau adat, jaku, main asal enggau pengawa rama. Ambi ke banding, aki ini kitai kelia cukup pandai amat bejaku sereta landik amat ba penemu rama baka jalai beburung, bumai enggau pengawa bukai. Nyadi ke kelia utai tu endang sigi nadai ditulis ke ba bup dikena ngingat nya alai sida ke tuai menya mina nyabung penajam pengingat aja ke ditampung turun temurun. Nya alai tak salah amat munyi jaku seleka nyangka utai ke ditampung sida ke tuai nya tau lain sereta bebida ba batang ai siti-siti laban nya mina bemalin ke pengingat sida ke tuai aja ke lalu ditusui ngagai anak telesak ambi ke bisi dikenang dudi ari. Nya alai kitai ke rebak dudi tu patut amat bisi penyedar ke utai ti bansa tu. Beduduk ari kitai ke bisi sekula lalu nemu macha sereta nulis nya alai ngena amat enti utai ke baka tu bisi ditulis ke simpan lalu bisi ke bacha sida ke rebak dudi ila.

Beduduk ari penyedar nya tadi dia aku lalu nguji deka nulis ke utai ke mengga mit nya ba blog aku tu. Penemu aku sigi kurang, enda chukup mayuh enti disbanding ke enggau orang bukai tang laban dibai ati ke sayau ke bansa diri nya meh aku lalu nguji nulis ke utai tu. Utai ke deka dikenang aku diti iya nya siti ari pengaya jaku kitai bansa Iban iya nya sempama. Nyadi utai ke dikumbai sempama tu iya nya genteran jaku ke suah dikena kitai manding ke pengidup, pendiau enggau ulah kitai mensia. Utai ke alai manding ke nya baka jelu, utai tumbuh, gaya idup, enggau mayuh agi ti bukai.

Nya alai sebedau aku ngerintai ke sekeda sempama ke ditemu aku, dia aku enggai enda minta ampun ngagai bala mayuh nyangka sempama nya tadi bisi salah sereta enda ngena ba ati kita. Kita tau meri komen kita lalu madaah ke penyalah ngambi ke aku ulih ngemetul, nyeruri sereta nyeleti iya awak ke tau betul.

1. Baka pipit deka nelan leka embawang

- pipit tu sebengkah burung babas ke suah ditemu kitai ba umai, kebun lada, sereta temuda. Bulu burung pipit tu chelum lalu bisi ga banda lalu yak e banda nya lalu dikumbai pipit banda. Pemakai pipit iya nya padi.

-embawang tu sebansa buah babas. Enti iya agi mata buah ya masam tang enti udah mansau isi ya bebali nyadi kuning lalu manis diempa. Buah embawang tu besai lalu tau bulih sekilo pemerat sigi-sigi.

-reti sempama ke dikumbai orang tuai baka pipit deka nelan leka embawang tu iya nya dikena manding ke ulah orang ke deka ngereja pengawa ke enda ulih tangkup iya empu. Kira ke pengawa nya ending tetap enda ulih ditapi iya ketegal ari pengurang penemu, pengelandik tau ke pemandai iya.

-chunto ayat:

Balat ga Unggang nya tak ngumba-ngumba ka enggau orang kereje ke tasik, ukai nya nemu macha. Nyangka nya meh utai ke dikumbai orang ke tuai baka pipit deka nelan leka embawang.

2. baka ukui nengkadah linau

-kitai semua sama nemu jelu ke dikumbai ukui tu. Bisi sekeda ai nyebut iya uduk.

-utai ke dikumbai orang linau tu iya nya dagin jelu baka babi, kijang, enggau rusa ke disalai awak ke tan agi ditaruh.

-reti sempama tu iya nya dikena manding ke kitai mensia ke ngembuan pengingin ati ke utai siti-siti tang endang sigi nadai jalai tulih ke iya ketegal bida pangkat, pemandai sereta tingka derejat kitai. Ambi ke banding, tudah ukui mina tak nitik liur aja meda linau tang nadai jalai ulih makai nya laban ke ditaruh tinggi ba atas para.

Chunto ayat:

Pengeran ati Wat ke Jati sigi bendar tang laban tudah tuai orang seranta lalu sida Jati orang kaya nya alai sigi nadai jalai meh seduai iya ulih jadi ila. Sempama baka ukui nengkadah linau meh tudah Wat semina buya mata meda aja.

3. baka empeliau bedua iku

-empeliau tu sebengkah bansa jelu kampong ke siga. Kira sida tu sama species emnggau kera meh laban sida ke sama jelu jangkit. Diatu empeliau nyau nadai mayuh agi kaban nyau deka pupus. Nitih ke jerita tuai, kelia iku jelu empeliau tu panjai tang laban ke udah dibagi iya enggau jelu bukai nya lalu ngujung ke iku iya nadai sampai ke saritu.

-reti leka sempama tu iya nya dikena nyema ke orang ke kelalu manah ati tau ke murah ati (generous). Sida sanggup meri pemisi sida ke orang bukai ke beguna ke tulung tau ke bantu lalu nadai ngira diri rugi. Mimit sama dibagi mimit ga amat ga orang bukai sama bela ampit.

Chunto ayat:

Amat cukup manah ati Igat nya, semua sida serumah diberi ya injin api siti sepintu lalu nadai ngira diri rugi enda nyalah-nyalah baka empeliau bedua iku ku orang tuai.

Naka tu dulu kenang aku ke sekali tu ba senentang sempama kiatai Iban. Dudi ari ila ga aku nambah ke sekeda sempama bukai ke bisi ditemu aku. Nya alai aku sekali agi minta ampun enti nyema utai ke ditulis aku nya salah.

apuu...

lama dah nadsai post utai ba blog tu..

ukai nama wai..

kelalu mayuh pengawa nya la lalu nadai hari nunga kempita..

udah abis exam arinya lalu nurun ga field work ke utara seminggu..

lelak amat lelak tang rindu ga ati lebih-lebih agi maya udah datai ba langkawi din...

sama-sama meh kitai nemu din ai murah mat...

carlsberg setin baru ka RM1.60...

puas amat nyawa sekumbang din suba tang ga enda ulih lama...

sayau cukup sayau ukai menua diri...

au ga ney, nyau limpang kiba kanan ga utai tusui tu..

ngenang bala kami ke field work nya ga...

ngasai ke tudah diri, ukai tentu tak ninga ke explanation bala sida lecturer ga...

tak rindu meda rampa menua aja...

manah mat rampa menua orang tunga kin ga...

nama sukat dah ka bebukit, mayuh mat ga bukit...

nama sukat ka landai, nyau apus mata meda ga emperan...

pasal utai ke dipelajar ke bala kami din mayuh ga...

pasal rock succession, rock formation, geological features and structures, you name it..

ila ba post aku ke dudi nyin ila aku nunjuk ke gambar sekeda utai ke bisi dipelajarka bala kami...

mupuk dulu aku...

beserara enatara ke angin..

JKKK rumah panjai dipinta numbuhka pan pelajar sekula

SRI AMAN: Bala sida kaban Komiti Pemansang enggau Pengelikun Pendiau (JKKK) ba semua rumah panjai di menua tu dipinta numbuhka pan ditagaka ungkup pelajar bala anak sida.Atur numbuh pan pelajar sekula nya endang sigi kena mantu dalam pekara belanja bala sida ari rumah panjai nya ke maju sereta mujur dalam pelajar sida lalu bulih penuduk alai nampung pelajar sida ba sebarang Institusi Pelajar Tinggi (IPT) di Menua kitai tu.

Kaban Kunsil Nengeri Bukit Begunan Mong Dagang ke mansut jaku nya madah, pekara tu besai bendar guna, laban endang sigi tuju ati semua apai indai deka meda anak sida pandai dalam sekula sereta ulih nampung pelajar sida ngagai tikas ke tinggi, bulih diploma, bulih degree.

“Enggau atur numbuhka pan pelajar sekula, iya ukai mina meri penguntung ngagai bala anak sida ba rumah panjai ke deka nampung pelajar sida tang mega meri penguntung ngagai rumah panjai kita enti sida nya udah mujur ila.

“Bala anak ke mujur beduduk ari kena sagu pan [elajar sekula ila deka ngemai ngagai menua kita pemansang enggau ubah ke manah ngagai rumah panjai kita lebuh sida udah mujur dalam pelajar sekula sida dudi hari ila,” ku iya,

Pekara tu dibantaika iya lebuh ke bejaku bejadika Pengerami Makai Lemai 2009 ke diatur ulih Komiti Pemansang enggau Pendiau (JKKK) Rumah Musa di Lutang,

Kampung Sutong, Sri Aman enggau kerajasama Sarakup Indu Dayak Sarawak (SIDS) Unit Kampung Sutong bertempat di Dewan Suarah ditu apin lama.

Nya alai tegal nya, iya minta semua bala kaban JKKK awakka sida muai ketisi penemu ke madah, mina bala anak sida ke mujur ba pelajar beruntung ari pan nya, laban pan nya mega meri penguntung ngagai semua orang ba genturung menua nya.

“Aku enggai enda ngansak bala kitai di rumah panjai awakka sida enda ngembuan penemu enggau runding bakanya laban anak enggau uchu-ichit sida iya ke deka begunaka pan pelajar nya dudi ila, laban kitai enda nemu sapa ke mujur bulih penuduk ba IPT dudi ila, enda nemu bala renggat anak tauka sida uchu.

“Sebarang sapa ke mujur, nya meh beruntung, tang ukai sida nya aja beruntung laban semua orang deka beruntung, laban enti bala anak ke pandai nya ila mujur dalam pengidup dudi hari, sida deka ngemai mayuh agi pemansang enggau penguntung ngagai genturung pendiau nya. Beduduk ari nya, semua deka beruntung, enda ngira sapa.

“Reti utai ke aku tu, pemujur bala anak kita ke ngena belanja ari pan pelajar nya ila sigi dikira kitai pemujur kitai bekunsi, lalu ukai mina nguntungka orang sepintu tauka dua pintu bilik aja tang enggi semua rayat ba rumah panjai nya,” ku iya nerang.

Nya alai enggau nya, Mong mega keran madah ngagai semua bala kaban JKKK dia enggau ba alai bukai di Menua tu anang enda beratka pelajar sekula bala anak sida.

Ku iya, endang sigi tanggung pengawa JKKK nerang ngagai bala kaban iya tentang pemesai reti meri pelajar sekula ke pemadu manah ngagai bala anak sida, kelimpah ari meri fokus ngagai agenda pemansang ke bukai.

“Serimbai kitai sama bela nyendia diri ngagai taun 2020 ila, bala anak kitai patut disikapka enggau mayuh bengkah penemu ke chukup laban enti nadai pelajar sekula ke chukup, sida deka tinggal di belakang dalam pelajar sekula menua tu,” ku iya nambah.

Mong madah, menua Malaysia tu beguna bendar ka raban ke pandai kena mantu dalam pemansang menua tu jemah ila lalu datai ba taun 2020 ila genap ruang bilik dikarapka abis nadai siku graduat.

“Enti nyema kitai enggai nyengula anak, enda meri awak sida besekula ngulihka pemandai, bakani gaya anak enggau uchu kitai datai ba taun 2020 ila?

“Sida tetap deka jauh tinggal di belakang, nadai nemu riap orang lalu enda ampit enggau orang sama gagit ngemansangka menua tu,” ku iya.

Sama bisi datai ba pengeraminya Chermin SIDS Pampang Sri Aman Roselyn Abunawas, Chermin Serakup Bansa Dayak Sarawak (SDNU) Pampang Sri Aman Roland Demong Radin, Pengulu Briku Busang, chermin- SIDS Unit Kampung Sutong Saloma Dris, bala ketuai opis perintah enggau ketuai raban bansa mega.

Ba pengerami nya Mong ngerah agih geran ari perintah RM4,000 ungkup taun 2010 ari Kaban Parlimen Sri Aman, Masir Kujat ngagai JKKK Rumah Musa Lutang ka tambah geran RM 3,0000 diagihka ngagai Biro Indu sida rumah panjai nya.

Nyadi iya empu, bisi agih RM3,000 ngagai JKKK Rumah Musa nya sereta enggau RM2,000 diungkupka ngagai Biro Indu sida rumah panjai nya.

Pengerami malam nya betambah richah rami agi enggau sekeda perindang lagu spunsa sereta enggau bantai ‘nyawa mas’ ari ketuai pengabang sereta enggau atur nyabut tikit benasit

Pesta Ai Sungai Krian di Saratok seharitu

SARATOK: Saratok sekali agi deka nyadi palan Pesta Ai Sungai Krian ke berengkah seharitu 31 Oktober ngagai 2 November tu.Ketuai Pelilih Saratok ke mega sapit chermin pengatur Daniel Supit madah, Pesta Ai Sungai Krian ke masuk ngagai edisi ke-7 taun tu, deka mantai mayuh atur enggau program nyengkaum lumba akit, lumba perau, nginti, main asal, lumba rayat enggau jual produk betanam betupi.

Ku iya, dalam taun komiti pengatur mega bisi mantai siti agi program baru iya nya ‘Festival Saratok’ ke deka bejalai sebulan lalu udah berengkah ari 2 Oktober tu tadi sampai ngagai 1 November tu.

Ba pesta ai nya ila, bisi mega pampay ke alai sekeda artis menua tu deka merindang belagu, karnival ketuai raban bansa, malam main asal, pekit nyumpit, mini ekspo dagang, pengayan pemansang, pekit bepangka (gasing), main bungai api enggau pak jual pemakai enggau utai irup.

Ku Daniel, Karnival Ketuai Raban Bansa Pelilih Saratok udah dipejadi Menteri Muda Betanam Betupi (Gerempung Orang Bumai enggau Koperasi) Datuk Peter Nyarok Enteri lalu pengerami nutup karnival udah ngambi Sapit Menteri Dalam Menua Jelaing Mersat kena 17 Oktober tu tadi nembuka pengawa nya.

Dalam taun tu bala pengatur agi mengkang ngena rambai jaku ti ngeringka penyerakup iya nya ‘Air Dicincang Tidak Akan Putus’.

Tuchung pengerami nya ila deka meda lumba perau baka sakai 10, 15, 20, 25 enggau 30 orang ngayuh lelaki enggau indu kena berebutka tropi Datuk Peter Nyarok Enteri, tropi Yang Berhormat Abdul Wahab Aziz enggau tropi Yang Berhormat Jelaing Mersat.

Sama disadang diatur mega lumba injin sepit enggau injin pam 5,10 enggau 15 kuasa kuda. Pengerami seharitu dipejadi Sapit Kepala Menteri ke mega Menteri Pemansang Pesisir ke mega Menteri Pemansang Infrastruktur enggau Komunikasi , Datuk Patinggi Tan Sri Alfred Jabu. Udah nya Menteri Muda Ngemoden Betanam Betupi (Gerempung Orang Bumai enggau Koperasi Datuk Peter Nyarok deka diberi basa nutup pengerami 2 Nov tu.